Sa interview sa DXDC RMN Davao sa usa ka beauty queen ug pageant/pasarela coach nga si Jiah Cadiz, iyang gibutyag nga nakita niya ang confidence, elegance, ug ang pagka-fierce ni Dee nga mao’y magdala kaniya sa finals.
Matud pa nga angayan lang nga ipadayon sa pambato sa Pilipinas ang iyang nasugdan nga impression sa tawo tungod nagtuo ang kadaghanan nga aduna kini pasabog sa finals.
“Akong gina-expect gyud kay mupasok gyud siya sa TOP 5 or TOP 3 kay so far no sa iyahang performance, gina-expect gyud sa kadaghanan nga we’ll be getting the fifth crown. As a coach pud, nakita nako nga grabe ka polish and nanukad gyud siya. No question at all. Nakita man gud nako grabe ka powerful the way she walks, the way she smiles, mukaon gyud siyag stage. Regadless sa result, I’m so proud of her gyud because she represents well the Philippines,” butyag pa ni Cadiz.
Dugang pa nga nahimong maayong stratehiya ni Dee ang paggamit og Spanish nga pinulongan sa iyahang self-introduction aron siya masabtan ug makakonekta sa mga taga El Salvador kung asa pagahitabuon ang maong pageant.
Sa katapusan, gisulti ni Cadiz nga bisan unsa pa ka maayo ang usa ka kandidata, aduna gihapo’y masulti nga dili maayo ang mga tawo ug ang labing importante lang sa tanan, kadtong mga Pilipinong nagkahiusa aron musuporta kang MMD isip balos sa iyang pagpaningkamot aron irepresenta ang Pilipinas.
