Pageant expert: Wala nakauyon sa ‘no swimwear’ beauty pageant competitions

Davao City – Gibaha og komento sa mga pageant enthusiasts, ang social media post sa Miss Universe Philippines, human nagpagula sa ilang bag-ong pamaagi sa pagdumala sa natad sa pageantry nga wagtangon na ang swimwear portion.

Pabor ang usa ka pageant fan nga si Sared Rafael, kay ang maong portion usahay ang hinungdan sa pagkawala sa natural beauty and attitude sa mga Pilipino, tungod mahimo nang soul and body ang indigay.

Samtang gibarugan sa usa ka pageant expert sa Davao City nga si Harold Quibete, wala’y pulos ang pagwagtang sa swimwear, tungod mao nay naandan sa katawhan ug mao usab, ang usa sa naghatag og kolor sa maong kompetisyon.

“Para sa akoa, too late of a motion. What is essential is something pleasant to the eyes kung show imong hisgutan,” segun ni Quibete.

Dugang pa niya, kabahin na kini sa artistic way sa mga kandidata, kung unsaon nila pagdala sa ilang kaugalingon ug dili mawala ang tumong sa pageant kung ipadayon ang swimwear competition.

RadyoMaN Ivy Parido