Walang nakikitang panganib sa paggamit ng magkaibang brand ng COVID-19 vaccine.
Ito ang sinabi ni Philippine Foundation for Vaccination (PFV) Executive Director Dr. Lulu Bravo sa Laging Handa public press briefing.
Ayon kay Dr. Bravo, kahit wala pang pag-aaral, ay ginawa ito at wala namang nakitang masamang epekto o pinsala.
Nilinaw rin ni Dr. Bravo na wala pang gumawa na pag-aaral na pagsamahin ang dalawang bakuna ngunit dahil sa nakikitang kakulangan sa suplay ng COVID-19 vaccine, nag-iisip na ang ibang kumpanya na gumamit ng ibang brand.
Paliwanag pa niya, magkakatalo lamang sa magiging bisa kapag magkaibang brand ng COVID-19 vaccine ang ituturok.
Sa ngayon, umaarangkada na ang vaccination rollout ng bansa pero may problema pa rin sa suplay ng bakuna kontra COVID-19 dahil sa pakunti-kunti ang pagdating nito sa ating bansa.
