Davao City – Suportado sa Police Regional Office 11 , ang paggamit og body-worn cameras subay sa mando sa Korte Suprema.
Niadtong Hunyo 29, 2021, ang Korte Suprema nagpagawas og A.M. No. 21-06-08-SC sa paggamit og body cams sa mga law enforcers atol sa pagsilbi, pag-execute sa arrest ug search warrants ilawom sa Revised Rules of Criminal Procedure ug warrantless arrests.
Gikanayon ni Police Brigadier General Filmore Escobal PRO-11 Regional Director, gidawat nila ang lakang aron mawala ang pagduda sa mga giingong police abuse. Mohatag usab og transparency ang body cams sa ilang ilusad nga mga police operations.
“Walang kailangan itago kung maayos, tama at naayon sa batas ang ginagawa ng ating pulis,” sumala niini.
Gibutyag niini nga adunay 96 ka body worn cameras ang PRO 11 apan nanghinaot si Escobal nga madugangan pa kini tungod kay dili tanang police stations adunay issued body cams.
Dugang niini, dakong tabang ang body cams sa korte isip pagpamatuod ug maghatag kini’g katin-awan sa mga pasangil ngadto sa mga police operating teams.
RadyoMaN Aimee Guinita
