Kini human nga naigo sa kilat ang unom ka mga indibidwal sa Digos City, Davao del Sur diin lima ang namatay. Matud sa usa ka survivor, nagpunay og gamit og cellphone ang grupo ayha nahitabo ang insidente.
Sa interbyu sa DXDC RMN Davao kang Nelson Cañete, Regional Director sa NTC-XI, gisaysay niini mas maayo nga paaboton na lamang usab ang imbestigasyon sa awtoridad kung adunay bay technical basis ang kilat sa ilang paggamit sa ilang gadgets.
“Technically, wala may connection ang frequency ug ang kuryente or electricity. Kay kanang sa cellphone, ga-function na siya tungod lang sa frequency. Unya kanang sa kilat, naay frequency man pud na siya,” tataw ni Cañete.
Sa impormasyon gikan sa AccuWeather, mas delikado alang sa kilat ang imuhang lokasyon, diin risgo niini ilabi na kadtong duol sa cellphone tower. Delikado usab kung ikaw anaa sa mga area nga adunay tubig.
RadyoMaN Kirby Manzon
