Paggamit sa plastic gidiskurahi

72

Davao City – Giawhag karon ang mga Dabawenyo nga likayan ang pag gamit sa mga butang nga gama sa plastic materials subay sa selebrasyon karong bulan sa Hunyo isip Environment Month.

Sumala ni DENR-EMB XI Environment Education & Information Unit head Socorro Mallare, usa sa ilang kampanya mao ang pagpakgang sa polusyon diha sa kahanginan, kasapaan ingon man sa solid waste.


Gipasabot ni Mallare nga base usab sa global records, sagad sa mga plastics nga ginagamit matag adlaw mapadulong sa kasapaan gani muderetso sa kadagatan diin gawas sa pagbaha, dakong apektado usab ang marine life.

Giklaro niini nga dili nila ma-ban ang paggamit sa single plastic gumikan posibleng mameligro usab ang kakahuyan.

Subay sa selebrasyon karong bulana nga adunay tema nga “Beat Plastic Pollution: If you can’t reuse it, refuse it”, ginaawhag usab sa DENR-EMB XI ang ‘Tree Growing’ imbes sa ‘Tree Planting’.

RadyoMaN Jason Amisola



Facebook Comments