Gin-athag sang Department of Health (DOH) nga wala sang ginatuhay ang efficacy ukon epekto sang generic kag branded nga mga bulong.
Suno kay Reyellen Magallon, National Drug Policy Compliance Officer sang Department of Health Regional Field Office 6, pareho lang ang active ingredient sang generaics kag branded nga bulong.
Magkatuhay ang mga ini sa color, shape kag in-active ingredients nga wala naman sang epekto sa efficacy sang bulong.
Pasalig ni Magallon indi pagpasugtan sang food and drugs administration nga makasulod sa merkado ang mga generic drugs nga wala nakapasar sang standard.
Subong nga bulan ginasaulog sang pungsod ang ika-30 ka tuig nga pagpasar sang generics law nga gin-author sang Ilonggo legislator nga si anay 4th district Congressman Narciso Monfort.
Photo from web
