Walang untoward incident na naitala ang Philippine National Police (PNP) sa paggunita ng Undas 2024 sa buong bansa.
Ayon kay PNP PIO Chief PBGen. Jean Fajardo, generally peaceful ang sitwasyon sa iba’t ibang sementeryo, mga terminal, pantalan at paliparan sa bansa.
Sa kabuuan, nasa 39,593 mga pulis ang naka-deploy sa mga strategic place at places of convergence.
Maliban dito, mayroon ding mga nakakalat sa mga tourist spot at mga pulis na patuloy na nagsasagawa ng Humanitarian Assistance and Disaster Response sa mga lugar na hinagupit ng Bagyong Kristine at Leon.
Paliwanag ni Fajardo, mananatiling nakabantay ang Pambansang Pulisya hangga’t makabalik na sa kalakhang Maynila ang mga nagsipagbakasyon sa mga lalawigan ngayong Undas.
Nananatili namang naka-heightened alert ang buong pwersa ng PNP ngayong Undas.
