Davao City – Gipaniguro sa usa ka employer nga mahatag gayud ang benepisyo sa iyang mga trabahante partikular na ang 13th month pay diin kini gipahinumdom sa Department of Labor and Employment (DOLE) nga mahatag
Sa interbyu sa DXDC RMN Davao ni Jessie, usa ka employer, gibutyag niini nga nahatag na niini ang 13th month pay sa iyang mga trabahante ug ingon man bonus luyo sa krisis hatud sa Coronavirus Disease 2019 (COVID-19).
Ubay-ubay usab ka mga netizens ang mipadayag sa DXDC RMN Davao Facebook page nga wala silay nadawat nga 13th month pay tungod na usab sa krisis nga nahimong hagit sa ilang kumpanya apan nagpasalamat gihapon ang pipila taliwala niini, basta aduna lamay maayo’ng panglawas.
Nasayran nga gibutyag sa DOLE nga adunay hangtud Disyembre 24 ang mga employers nga mahatag ang 13th month pay sa ilang mga trabahante diin kini nagsumukad sa balaod partikular na sa Presidential Decree No. 851.
RadyoMaN Kirby Manzon
