CAUAYAN CITY – MULING PINAALALAHANAN NG PAMUNUAN NG BARANGAY MALIGAYA, CAUAYAN CITY, ANG MGA RESIDENTE HINGGIL SA UMIIRAL NA ORDINANSA NA NAGTATAKDA NG ORAS NG PAGGAMIT NG VIDEOKE SA KANILANG LUGAR.
ALINSUNOD SA REGULASYON, DAPAT PATAYIN ANG VIDEOKE TUWING ALAS-DIYES NG GABI UPANG HINDI MAKAISTORBO SA KATAHIMIKAN NG KOMUNIDAD.
AYON KAY BARANGAY KAGAWAD JOVIE AGUINALDO, NIRERESPONDEHAN NG MGA BARANGAY TANOD ANG MGA REKLAMO LABAN SA MGA KABAHAYAN NA LUMALABAG SA ITINAKDANG ORAS.
PINAPAYUHAN UMANO NILA ANG MGA RESIDENTE NA HUWAG SOSOBRA SA ORAS NG PAGGAMIT, LALO NA SA MGA KARANIWANG ARAW KUNG SAAN MARAMING KABARANGAY ANG KAILANGANG MAGPAHINGA PARA SA TRABAHO AT PAG-AARAL KINABUKASAN.
PALIWANAG NI AGUINALDO, BAHAGYANG PINAPAYAGAN LAMANG ANG PAG-EXCEED TUWING BIYERNES NG GABI DAHIL WALANG PASOK KINABUKASAN. SUBALIT MAHIGPIT NA IPINAGBABAWAL ANG LABIS NA PAGGAMIT TUWING LINGGO AT WEEKDAYS UPANG MATIYAK ANG KAPAKANAN AT KAPAHINGAHAN NG LAHAT.
NAKABATAY ANG NATURANG ORDINANSA SA GENERAL WELFARE CLAUSE NG REPUBLIC ACT 7160 O LOCAL GOVERNMENT CODE OF 1991, NA NAGBIBIGAY KAPANGYARIHAN SA MGA LOKAL NA PAMAHALAAN NA MAGPATUPAD NG MGA REGULASYONG NAGTATAGUYOD NG KAPAYAPAAN, AT KAAYUSAN NG KANILANG NASASAKUPAN.
