All set na ang tanang gikinahanglan sa himoong harmonize deworming karong adlawa.
Una nang giandam sa mga personahe sa Department of Health City Health ug Department of Education ang tanang gamit alang sa dungan nga pagpurga sa mga batang nagpangidaron sa duha ngadto upat ka tuig nga nagtungha sa pre-school ug singko ngadto sa 12 ka tuig nga estudyante sa elementarya.
Matud ni Doktora Ellen Santua, ang Development Management Officer sa Misamis Oriental nga luwas usab nga imnon ang Albendazole apan dili lamang kalikayan nga dunay side effects nga mabati ang batang makainom niini ilabina kadtong adunay bitok sa ilang mga tiyan.
Dugang pa sa opisyal nga magpahigayon una sa feeding program dayung dungan nga pagpainom sa mga bata sa Albendazole.
Gipasabot ni Doktora Santua nga temporaryo lang matud pa ang mga side effects sa tambal nga imnon apan kon ugaling dili na normal ang pagpanakit sa tiyan, naa nay naka-andam nga mga health authorities aron mu-atiman.
