Davao City – Uyon og walay problema sa paghimong parking space sa covered court, kini ang reaksyon sa pipila ka Barangay Official sa Davao City subay usab sa pamahayag gikan sa City Transport and Traffic Management Office (CTTMO).
Sa interview sa DXDC RMN Davao kang kapitan Francisco Gamad, sa Barangay Buhangin gisulti niya nga adunay covered court gitagana sa iyang barangay aron mamahimong parking area.
Segun ni Gamad, mismo sa iyang barangay iyang naobserbahan nga adunay mga motorista nga nagaparking sa daplin sa dalan nga gadugang og kahuot sa dagan sa trapiko ilabi na kung dunay sunog hinungdan nga maglisud sa pagsulod og agi ang mga fire truck.
Dugang pa ni Gamad, andam ang Brgy. council sa pagsuporta sa programa sa CTTMO nga himoong parking space ang covered court.
Sugyot usab sa opisyal, sa iyang barangay ang sistema sa pagparking sa mga sakyanan adunay oras nga mahimong makaparking matag gabii apan pagkaadlaw dili na makaparking.
RadyoMaN Don Pulayao
Facebook Comments
