Ginpaathag sang Globe Telecom nga may nautod nga submarine cables nga nagresulta sang paghina sang signal sang Globe.
Suno kay Mr. Patrick Gloria, Director sang Press Relation Office sang Globe nga tatlo ka area ginluntaran sang fiber cut kon sa diin nautod ang communication line halin sa Visayas kag Mindanao pakadto sa Luzon.
Magluwas diri, naghina man ang signal sang internet connection sang Globe.
Ginhimo sang Globe ang paathag matapos madamo ang nagreklamo sang indi maayo nga serbisyo sang nasambit nga Telecom company.
Ginpasalig ni Gloria nga ila tinguhaan nga mabalik gilayon ang maayo nga serbisyo apesar gin-ako sini nga tuman ka budlay sang ulubrahon bangud kinahanglan pa nga salumon sa seabed ang nautod nga fiber cable.
Facebook Comments
