Davao City – Gitutukan sa Social Security System (SSS) ang paghisgut sa mga benepisyo, loans ug uban pang angay masayran sa SSS members atol sa gipahigayong SSS Sulit Conference nga nahitabo sa Grand Menseng Hotel sa adlawng Hulyo 17, 2018.
Sumana ni SSS Media Affairs Luisa P. Sebastian, ang nahisgutang conference makatabang sa pag dani sa uban pang tao nga makapa-rehistro ug maka kuha sa mga benepisyo gikan sa ilang ginatawag nga “Womb to Tomb” o gikan sa pagbuntis hantod sa pagkamatay.
Nahisgutan usab sa conference ang bahin sa mga beneficiaries ug kung asa padulong ang mga kontribusyon sa nahisgutang sistema.
Samtang giingon ni SSS President Emmanuel F. Dooc nga ilahang gipaniguro ang benepisyo ug kaayuhan sa tanang trabahante diri sa nasud.
Leigh Jallorina, UIC intern
