TACLOBAN CITY – Ginduduso yana han Bureau of Jail Management and Penology Eastern Visayas nga mas padakoon an ira budget ha ira buhatan mahitungod han kadam-an nga mga presohan dinhi ha rehiyon in mga decongested o naghuhuruot an mga preso mahitungod han kakulangan han mga pasilidad.
Ha gin-aprobahan nga P91.68 million yana nga 2018, ginpahataas han BJMP an ira request nga budget ha tuig 2019 nga umabot ha P207.9M. Usa ini nga five-year plan nga budget nga pito ka beses nga mas hataas ha P89M nga actual budget para han 2017.
Sunod nga tuig, magtitikang an pag tindog han mga jail facilities ha Ormoc City, Carigara, Leyte, Basey, Dolores Eastern Samar, Naval, Biliran, ngan Sogod Southern Leyte.
Sumala kan BJMP Regional Engr. Insp. Mar Cubio, mas dumuro man gud an congestion tikang nagtikang an kampanya ni Presidente Duterte kontra illegal nga droga.
An over-crowding in seryoso nga problema nga gin-aatubang han mga presohan ha Tacloban City, Isabel Leyte, Baybay City, Ormoc City, Catbalogan City, Maasin City ngan Sogod Southern Leyte.
Mahitungod han mas duro dako nga pondo, proyekto han BJMP nga for construction ngan upgrading an mga prisohan ha Tacloban, Burauen, Palo, Baybay City, Palompon, Calbayog City ha Samar, Balanggiga ha Eastern Samar, Laoang ha Northern Samar, Naval ha Biliran, ngan San Juan ha Southern Leyte nga panuyuan nga mapahamubo han congestion rate ha 300%.
