Si Political Analyst Professor Ramon Beleno III, dismayado usab sa nakab-ot nga hukom sa Sandiganbayan diha sa pagbasura sa kasong Plunder nga gipasaka batok kang Estrada kagahapon adlawa.
Subay sa 396 nga pahina sa disesyon, walay nakitang gibug-aton sa mga ibidensiya nga gipresenta sa Prosecutors Panel, ang Graft Court aron iduot sa kasong Plunder si Senador Estrada.
Alang kang Beleno, lig-on ang mga ibidensiya nga magduot sa senador ug niadtong naglusad ang Senate Inquiry labot sa Pork Barrel Scam sa panahon sa Administrasyon ni kanhi Pangulomg Benigno Aquino Jr., makita ang makabungog nga mga ibidensiya nga si Estrada ug Janeth Lim Napoles nagkasinabot sila sa anomaliya sa bahandi sa katawhan.
Ang pagkadaog ni Senador Estrada sa kasong Plunder, maghatag lamang kini og kaisog sa mga politiko nga mas muhimo pa og kurakot nga kalihokan. Nalipay usab si Professor Beleno tungod guilty sa Bribery si Estrada ug paaboton na lamang niini nga ma-imposar ang silot sa Korte batok kaniya.
RadyoMaN Joel Viray
