Davao City – Giklaro sa Philippine Drug Enforcement Agency XI nga walay ginaatubang nga kaso nga may kalambigitan sa droga ang gi-ambush nga Assemblyman sa 2nd District Maguindanao sa mga wala pa mailang suspek dinhi sa dakbayan sa Davao.
Matud ni PDEA Davao Region Assistant Regional Director Atty Ben Tesiorna nga dili mamahimong basehan sa mga operatiba ang pagkaapil ni Sidik Amiril sa updated list sa narco politicians nga ila kining arestuhon.
“As of the updated list apil siya but it does not mean nga apil siya we can immediately file a case against him because if you file a case it would be a different story dapat naay probable cause,” matud ni Tesiorna.
Sumala ni Tesiorna nga base sa ilang koordinasyon sa PDEA ARMM ilang gikumpirma nga subject si Amiril sa mga raids kaniadto apan wala kini nagmalampuson tungod wala kini atol sa maong mga operasyon.
“By mere inclusion sa narco-list won’t give you an assurance that you can convict that person for violation of RA 9165 there should be an additional evidence,” sumala ni Tesiorna.
Samtang, gitataw ni Tesiorna nga hugot ilang monitoring dinhi sa Davao Region ngadto sa mga nadawat nila nga mga reports kalabot sa mga opisyales sa gobyerno kinsa giingong mga nalambigit sa droga.
Gisulti ni Tesiorna nga gikatakdang magpagula pa sila og talaan sa mga narco politicians kung ila na gayod kining ma-verify.
RadyoMaN Aimee Guinita
