Davao City – Lehitimo ang gilusad nga buy-bust operation sa kapolisan sa Sta. Ana subay sa gipagawas nga pamahayag sa bag-o nga hepe niini nga si Police Chief Inspector Michael Uyanguren sanglit dunay mga pagduda nga wala nisukol ang suspect base sa gipaabot sa mga concerned citizens.
Sumala ni Uyanguren nga ang dili angay tuohan ang mga migula nga istorya gumikan sila maoy naglusad sa operasyon.
Kahinumdoman na-neutralisa alas 11:40 sa buntag, Hunyo 14, 2018, ang usa ka Top 1 sa drug watchlist sa Sta. Ana PNP nga si Kristobal Talara, 35 anyos, minyo, nagpuyo sa Gotamco Brgy. Leon Garcia, Agdao ning siyudad.
Matud pa nga nisukol sa kapolisan ug nihulbot sa armas ang suspect pinaagi sa pagkablit sa gatilyo sa .38 revolver sa katulo nga higayon tumong ngadto kang SPO1 Cadenas apan wala kabuto hinungdan nga gibalusan kini sa kapolisan resulta sa hinanaling kamatayon.
Nakuha gikan sa suspek ang usa ka .38 revolver, lima ka mga bala, tulo ka basiyo sa 9mm, 24 ka mga pakete sa gituohang shabu nga mutimbang sa duha ka gramos ug mibalor sa P25,000.
Gidala matud pa sa kapolisan ang suspek sa Southern Philippines Medical Center (SPMC) apan gideklara na kining dead on arrival.
RadyoMaN Don Pulayao
