Davao City – Layo pa ang Davao Region alang sa pagkab-ot sa herd immunity, sumala ni Dra. Annabelle Yumang, Department of Health XI Regional Director.
Segun ni Yumang, mag-agad lang ang rehiyon sa supply sa bakuna nga ihatag sa national government.
Gibutyag niini, gipaningkamutan sa DOH XI nga paspasan ang rollout sa vaccination sa matag muabot nga bakuna sa Davao International Airport.
Giabisuhan ni Yumang ang tanang Local Government Units nga paspasan ang COVID-19 vaccination aron dili magtapok sa ilang storage ang mga bakuna.
Sumala niini, nakatutok ang DOH XI sa vaccination sa Davao City tungod kay nagpabilin kining epicenter sa COVID-19 sa Davao Region.
Sa gipagulang datus sa Department of Health Region XI, base sa August 7, 2021, anaa sa 1.8M ang total sa bakuna nga nadawat sa Davao Region.
Musumada sa 672, 633 ang nabakunahan sa 1st dose samtang 337, 221 ang fully vaccinated na sa Davao Region.
RadyoMaN Aimee Guinita
