Davao City – Nakitaan sa Independent Commission for Infrastructure (ICI) og problema ang flood control project sa Matina Gravahan, Davao City, atol sa gihimong inspeksyon niadtong Nobyembre 5, 2025 (Miyerkules).
Matud ni ICI Special Adviser Rodolfo Azurin nga ilang subayon ang rason nganong nahitabo nga naguba ang porsyon sa flood control project sa maong lugar. Busa, ila karon nga tan-awon ang kontrata sa Department of Public Works and Highways (DPWH) ug sa contractor sa maong proyekto.
Matud sa opisyal nga dakong pangutana nganong adunay porsyon nga naguba sa wala pa ang duha ka tuig. Busa, susihon ang mga materyales, ilabi na ang timplada sa semento.
Hinuon, sa karon, dili pa sila makatumbok kung kini substandard, busa ipahigayon pa kini sa imbestigasyon subay sa test nga himoon sa DPWH.
RadyoMaN Bien Abanos
Facebook Comments
