Marikina City – Inaalam na ngayon ng pulisya ang pagkakakilanlan ng dalawang holdaper na napatay sa engkwentro sa pagitan ng mga pulis sa Barangay Nangka, Marikina City.
Bago napatay ang mga suspek na riding in tandem, hinoldap at pinukpok pa ng baril ang kanilang nabiktima na hindi na pinangalanan pa.
Nakorner at nakipagbarilan ang mga suspek sa Tanguile Street sa Marikina Heights kaya’t napatay sila ng mga pulis kung saan nakuha sa kanila ang bag ng biktima at dalawang .38 na baril.
Matapos ang insidente, isa namang estudyante ang positibong itinuro ang motorsiklong gamit ng mga suspek na siyang nangholdap din sa kaniya malapit sa Barangka Cemetery.
Facebook Comments
