Sa kumento ni Marilog Agriculture Series Council (MASC) Vice Chairman Tata Pilaris, giingon niini usa ka tamparos kang President Marcos Jr., ang pagkalambigit sa tulo niya ka mga Appointees sa DA sa isyu sa hoarding sa supply sa sibuyas sa nasod.
Dismayado si Pilaris sa tulo ka tag-as nga opisyal sa DA, kay dili lamang ordinaryong hoarding ang ilang gikalambigitan, apan bisan pa sa smuggling ug pagmanipular sa presyo sa sibuyas bombay sa merkado sa miaging mga buwan, samtang silang mga mag-uuma lugi sa ilang pagpananom tungod sa kabarato sa palit sa mga traders sa ilang produkto nga ilang gisakripisyohan ug gihagoan sulod sa pipila ka buwan.
Gidasig ni Pilaris, ang Marcos Administration nga dili lang hangtod pagimbistiga ug pagtanggal sa posisyon ang himoon sa tulo ka mga opisyal, apan kasohan gayod sila og kriminal aron dili na sundon sa ubang mga opisyales sa naasoy nga departamento.
Kahinumdoman, mismo si Justice Secretary Boying Remulla ang nagrekumenda sa National Bureau of Investigation (NBI) nga imbistigahan ug kasohan silang DA Assistant Secretary Kristine Evangelista, Bureau Plant Industry (BPI) Director Gerald Glenn Panganiban ug DA Agribusiness and Marketing Assistance Service Director Junibert De Sagun, gumikan sa paglapas sa Republic Act 3019 o Anti-Graft and Corruption Practices.
RadyoMaN Joel Viray
