Roxas City, Capiz – Ginpaguha na sang mga otoridad ang autopsy report sa kamatayon sang 33-anyos nga boat captain nga si Robert Francisco nga nakit-an patay sang nakaligad nga semana sa Barangay Culasi, Roxas City.
Suno sa information officer sang Roxas City PNP nga si Police Master Sargeant Ramil Arcangeles, wala sang nakit – an nga foul play sa kamatayon sang amo nga biktima.
Ginsiling sini nga ang samad sa ulo kag magamay nga gasgas sa kalawasan sang biktima ang resulta sang paglumpat kag paglangoy sini sa tubig.
Nagaguha sa otopsiya nga pagkalumos ang nangin kabangdanan sang kamatayon sang biktima.
Facebook Comments
