Davao City – Ang pagka-family oriented ang nahimong hinagiban ngano naghingabin ang tiunay nga kalipay nga gibati sa mga Pilipino luyo sa kalisod ug hagit nga gisabugang sa kinabuhi matag karon ug unya.
Wala magsandig sa daghang sapi ug bahandi apan ang naghatag og kusog aron magmalipayon ang mga Pilipino mao ang pamilya taliwala sa kawad-on sa mga butang nga maoy katagbawan sa kinabuhi.
Sumala ni kanhi UM Professor Dr. Adrian Tamayo nga hiyas na gayud sa kultura ug kinaiya sa mga Pilipino ang pagkamalipayon bisa’g gikuso-kuso na og bagyo sa mga problema ug pagsuway sa panahon.
Segun niini, ang pagkamalipayon sa mga Pinoy sinambogan sa kultura ug tradisyon sa mga kaliwatan sa Asya sama sa Indonesia ug Malaysia kung asa nagpanukad ang kagikan sa rasa sa mga Pilipino.
Gani, ang ubang Pinoy himoong kataw-anan ang kaugalingon aron lang maghugyaw sa katawa ug kalipay panahon magkatapok ang magbarkada, kabanay, ug pamilya sa lahi-lahi nga okasyon.
Nakatabang sab sa sobrang pagkamalipayon ang na-andang pulong nga bahala na kun fatalism hinung-dan nahimugso ang bansagon nga “Bahala’g saging basta loving lang.”
Ug kining aspetoha sa personalidad sa mga Pilipino dili makita sa ubang kaliwatan sa ubang kanasuran gikan sa Tungang Sidlakan ug sa Western portion sa kalibutan, dugang sa Minda spokesman.
RadyoMaN Joel Viray
