Pagkamatay sa dos anyos nga bata, dunay foul play

23
PC: RadyoMaN Jao Gumapac

Migawas nga adunay foul play ang kamatayon sa dos anyos nga batang lalaki sa San Vicente, Tagoloan, Misamis Oriental.

 

Kini ang gibutyag ni Police Corporal Jackielou Malagamba ang imbestigador sa Tagoloan Municipal Police Station.


 

Matud ni Corporal Malagamba nga wala nalumos ang bata sa iyang lihok, kondili dunay tawo nga nagpaluyo sa kremin.

 

Dugang pa ni Corporal Malagamba nga kung ang bata mismo ang nagtulod sa iyang kaugalingon sa laton, ang ulo ang mag-una niini ug ang tiil anaa sa taas.

 

Apan sa gihimo nila nga imbestigasyon, nasuta nga ang posisyon sa bata na- u-shape o ang tiil ug ang ulo niini nagtupong, sama sa giplastar og butang.

 

Dili usab makaingon si Corporal Malagamba nga gilumsan ang bata, tungod kay ang tubig nga sulod, ¾ lang sa laton.

 

Tungod sa imbestigasyon nga dunay foul play, gipugos karon ang mga ginikanan sa dos anyos nga batang lalaki sa Tagoloan, Misamis Oriental nga ipaubos og otopsiya ang ilang anak.

 

Matud ni Police Corporal Malagamba nga kini aron masuta kung unsa gyud ang hinungdan sa kamatayon sa bata.

 

Dugang pa ni Corporal Malagamba nga sa karon duna na silay person of interest sa hitabo ug ila pang gipalawman ang imbestigasyon tungod kay dili magkapareha ang tubag niini sa ilang mga pangutana.

Facebook Comments

From Advertisers