Pagkamatay sa terrorist group leader, nakumpirma pinaagi sa DNA sample niini, sumala sa A-F-P

25

Nakumpirma pinaagi sa mga nakuhang DNA samples ang kamatayon ni terorist leader Owaya Benito Marahomsar o nailang si Abu Dar.

Kini ang gikumpirma ni Col. Romeo Brawner, ang commnader sa 103rd Infantry Brigade Philippine Army nga naka base sa Marawi City.

Ang kumpirmasyon, nahitabo human sa usa ka bulan nga pagkapatay kang Abu Dar sa usa ka engkwentro sa boundary sa Tuburan ug  Pagayawan didto sa Lanao del Sur.

Matud ni Brawner, ang kamatayon ni Abu Dar ang nagtuldok sa  Dawlah Islamiya Lanao group.

Si Abu Dar ang usa sa nagplano sa pag atake sa Marawi  niadtong 2017 apan nakagawas kini sa battle ground human nga kini masamdan.

Sumala sa intelligence report sa militar, nga gisulayan ni Abu Dar nga mubalik sa battle ground kauban ang uban niining sakop apan, wala kini nagmalampuson gumikan sa pag lockdown sa tibuok Marawi City.

Padayong gihulat karon sa militar sa Marawi ug Lanao del Sur ang kopya sa DNA result gikan sa Philippine National Police Scene of the Crime Operative ug gilauman nga pormal kining i-anunsyo ni Presidente Duterte.

Facebook Comments