Gidepensahan sa Police Regional Office -7 ang mga operatiba niini nga nakapatay sa usa ka polis nga unang ginganlan ni Presidente Rodrigo Duterte nga illegal drug protector atol sa buy-bust operation.
Ang hepe sa Regional Intelligence Division -7 nga si Supt . Jonathan Cabal niinsister nga “shootout” ug dili “rub-out” ang nahitabo hinungdan sa pagkamatay ni PO3 Ryan Martus Quiamco ug sa asawa niini , atol sa buy bust operation sa syudad sa Talisay.
Giinsister ni Cabal nga nauna sa pagpamusil si Quiamco sa dihang namatikdan niini nga polis na diay ang iyang gikasabot sa ilegal nga drugas .
Matud ni Cabal niadto pang buwan sa Abril nila gipaubos sa “case operation plan” si Quiamco human nasuta nga nibalik kini sa negosyo sa ilegal nga drugas .
Facebook Comments
