Kini gipahigayon aron di makalimtan ang mga pagkaong pinoy ug aron kini magpadayon ngadtu sa umaabot nga henerasyon hain adunay nagkadaiyang lutong Pinoy nga subay sab sa kultura nga ipahigayon matag adlaw. Ang maong mga pagkaon gipresenta sa nagkadaiyang probinsya ug syudad sa Davao region, isip pagpakita sa pag amuma sa pagkaon nga ginahimo na sa katigulangan.
Sumala pa sa Event Organizer nga si Rayanne Arao, ang maong aktibidad subay sa Proclamation No. 469 ni kanhi Presidente Rodrigo Duterte diin saulogon isip “Filipino Food Month” ang matag buwan sa Abril.
Nasayran sab nga ang maong aktibidad naghatag og importansya sa mga pagkaon nga anaa na kaniadto sa tugkaran ilabi na ang caimito, atis, balimbing, ug uban pang prutas nga angay sumala pa makita sab sa umaabot nga henerasyon.
RadyoMaN Bien Abanos
