Davao City – Walay nakitang foul play ang kapulisan sa pagkasunog-patay sa usa ka hubog sa mismo niining balay sa Calinan ning syudad sa Davao.
Sa interbyu sa DXDC RMN Davao kang Police Major Archimedes Wesley, chief of police sa Calinan PNP, giila niini ang biktima nga si Eduardo Teves, 63-anyos residete sa Sitio Quibaton, Barangay Dominga, Calinan, Davao City nga nakit-an na lamang nga nasunog ug wala nay kinabuhi niadtong Lunes sa buntag, Pebrero 24, 2020.
Saysay ni Wesley nga walay foul play ang insidente ug wala usab sumala pay nakabangi kun naka-away ang biktima. Gibutyag ni Wesley nga nag inom gikan ang biktima ug gihatud kini sa iyang duha ka pag-umangkon.
“So far, wala kaming nakikitang foul play kay unang-una, wala namang kaaway yung tao. Sa kwento kasi, napa inom siya tapos hinatid ng kanyang dalawang pamangkin. Nagpaluto daw ng hapunan. After na nakakain sila, umuwi na yung dalawa niyang pamangkin,” saysay ni Wesley.
Nasayran nga nabantayan na lamang sumala pa sa mga silingan sa biktima nga nagkalayo na ang payag niini ug naapil kini sa maong sunog human pakyas kining nakagawas.
Ang napasagdan nga sugnod ang gitan-aw nga hinungdan sa Bureau of Fire Protection (BFP) sa kamatayon sa biktima.
RadyoMaN Kirby Manzon
