Davao City – Wala sumala pay kamatuoran nga gidagit ang duha ka bata sa dakbayan sa Digos kini maoy gikumpirma ni Police Lieutenant Col. Deozar Almasa ang hepe sa Digos City Police.
Sumala ni Almaza nga miuban ang duha ka bata sa usa ka menor de edad nga si alyas Cring-cring samtang ang mga bata-on nga miuban kaniya mao sila alyas Creshia, 3 anyos ug usa ka 5 anyos nga si alyas Gaby.
Gidugang sa opisyal nga misakay sila og bus paingon sa dakbayan sa Kidapawan aron manlimos apan nadugay kini sa pag-uli hinungdan nga nabalaka ang mga ginikanan ug nagpatabang sa kapolisan.
Giingon ni Almaza daling gipangita sa kapolisan ang duha ka bata ug pipila ka oras giturn-over sa usa ka lola ngadto sa Digos City Police Station diin sa pagkakaron nakabalik na ang duha ka bata ngadto sa ilang mga ginikanan.
Subling nagpahimangno ang opisyal ngadto sa tanan mga ginikanan nga dapat ilang bantayan ug i-monitor ang ilang mga anak ug dili pasagdan nga maglatagaw sa kadalanan.
RadyoMan Don Pulayao
