Davao City – Nagpahimangno si Davao City Mayor Sara Duterte-Carpio sa publiko nga walay bayad ang pagbakuna batok Coronavirus Disease 2019 (COVID-19).
Kini human nga mireklamo ang mga laborer sa Fish Vendor’s Association sa Bankerohan, Davao City nga adunay ginapangayo nga P120 kanila ayha ilista sa pagpabakuna sa rason nga kini gamiton pang-merienda sa vaccination team.
Giklaro ni Mayor Sara (sa interbyu sa city-owned radio) nga adunay budget ang mga personahe sa vaccination sites alang sa ilang pagkaon gikan sa City Government of Davao.
“Mali po na nga naay collection sa pagpabakuna, bawal po na siya. Ang merienda ug pagpainit sa atoang vaccination team apil po na siya budget sa City Government of Davao. So, dili na siya kinahanglan nga bayran sa mga tao,” segun sa alklalde.
Mamahimong ireport sa otoridad o sa COVID-19 Task Force ang maong mga insidente aron kini gilayong maaksyonan.
RadyoMaN Kirby Manzon
