Ipinagbunyi ng mga women workers ang pagpalabas ng implementing rules and regulations o IRR ng Expanded Maternity Leave Law.
Kasama ang mga kababaihang manggagawa sa isinasagawang kilos protesta ngayong araw.
Ayon kay Akbayan partylist representative Tom Villarin na sumama din sa martsa, tamang tama ang timing ng pagpalabas ng IRR ngayong labor day na maituturing na tagumpay ng mga kababaihan.
Kasabay nito binalaan din ng kongresista ang mga kumpanya na nagpapakita ng diskriminasyon sa paghahire o pagtigil na sa pagtanggap ng mga kababaihang manggagawa dahil sa expanded maternity leave law na umanoy paglabag sa article 135 ng labor code.
Aniya dapat tigilan na ng mga employers ang pananakot na hindi na tatanggap ng babaeng applicants kung mag aavail ito ng maternity leave.
Sa ilalim ng expanded maternity leave , lahat ng mga employers na mapatunayang may discriminatory acts ay papatawan ng multa mula 20 libo hanggang 200 libong piso at kulong na 6 na taon hanggang 12 taon.
