Davao City – Prayoridad karon ang pagpalambo sa Paquibato district alang sa pagpangandam sa pagdawat og mga interesadong investors sa maong dapit ning syudad sa Davao.
Atol sa gipahigayong iSpeak Forum karong adlawa, gibutyag ni Peace 911 focal person Atty. Elisa LapiƱa nga nagapadayon ang ilang pagtanyag og mga libreng serbisyo sa mga residente sa Paquibato district sama sa Caravan service nga ginapahigayon ikaduha matag bulan ingon man nagapadayon ang pagpatukod og imprastraktura sama sa mga tulay ug pagpaayo sa kadalanan niini.
“Ang mga residente na mismo ang nagamonitor ug follow up sa mga pending nga projects sama sa proyekto sa DPWH,” sumala niini.
Segun ni LapiƱa nga aduna nay investors sa maong lugar nga nagpakita og interes ingon man nakigtransak sa mga lumad nga nanag-iya sa maong dapit diin pipila niini ang mga Japanese investors ug laing Goat Farming Company gikan sa nasud Korea.
Apan giklaro niini nga dili tanan negosyo sa mga investors welcome gumikan matud pa ang komunidad na mismo nagapangulo ug identipika sa mga makapamaayo sa ilaha sama sa proteksyon sa kinaiyahan ug pag-amuma sa kultura sa mga lumad.
Samtang gipaniguro usab ni 16th Infantry Batallion commanding officer Lt. Col. Rey Pasco nga 100% ang seguridad sa mga investors inubanan sa pwersa sa Peace 911 diin gisaad niini nga dili madistorbo ang mga programa nga mosulod sa Paquibato gumikan sa kanunayng presensya sa mga militar sa maong dapit.
RadyoMaN Jason Amisola
