Davao City- Nagkinahanglan pa sa dugang pagpasabot ang giingong himoong legal ang paggamit sa marijuana isip tambal dinhi sa Pilipinas.
Sumala ni Davao City Anti Drug Abuse Council (CADAC) reseacher Connie Domag, tungod kay wala pa kaayo masabti sa mga tao, ang medical ug non-medical kabahin niini tungod kay ang naa pa karon sa huna-huna sa tao kadto pa gihapong iligal nga marijuana.
Nagtoo usab si Domag nga dunay medical benefits nga makuha sa marijuana isip tanum tungod kay dunay mga hiyas gikan niini. Gipasabot usab ni Domag, mosangko gihapon kini sa addiction tungod kay dunay mga tawo nga himoong illegal ang paggamit.
Tungod niini kung himoong legal ang paggamit sa marijuana, kinahanglan nga mapasabot gayud pag-ayo sa mga tawo aron dili mohatud sa dautang impresyon sa publiko.
RadyoMan Bernard Pantallon
