Pagluto sang lobster samtang buhi pa illegal na sa Switzerland

Basta sa pagkaon gusto naton ang preska ilabi na kun utan, kag seafoods.
Kun nagapisik-pisik pa samtang ginaluto mas manamit sa atun pamatyag.
Apang indi na ina pwede sa Switzerland bangud banned na ang direkta nga pagluto sang buhi nga seafods kaangay sang lobster.
Ginadumili na ang direkta nga pagbutang sa nagaindakal nga tubig sang buhi nga lobster bilang kabahin sang pagbag-o sa pag-amlig sa mga kasapatan.
Ginmando mans ang gobyerno nga indi pwede nga ibyahe nga frozen sa ice ang mga buhi nga mga seafoods kaangay sang alimango, kasag, pasayan kag lobster
Dapat nga ara sila sa ila natural nga environment samtang ginatransport kag dapat nga lipungon antes patyun ukon lutoon.
Target man sang kasuguan ang mga ilegal nga puppy farms nga nagagamit sang devices agud silutan ang mga nagataghol nga ido.
Kalakip sa pagsulondan ang pamaagi kun paano patyun ukon idispose ang mga masakiton ukon injured nga mga sapat.
Nahibaluan nga sa italy ginmando sang highest court nga indi dapat ibutang sa ice ang mga lobster antes sila lutuon sa mga fine dining restaurant.

Facebook Comments