Davao City- Makonsidara nga sakop sa dysfunctional family kun gubot nga pamilya ang mga kabataan nga nalambigit sa krimen, droga ug lihok protesta.
Matud ni Davao Alliance Bible College Dean of Men Robert Manalo, angay tulisukon ang mga ginikanan nga nagpasagad sa ilang kaakuan hinungdan nahisalaag ang ilang mga anak gikan sa sakto nga dalan sa kinabuhi.
Nasuta sa pagtoon sa mga eksperto nga sagad sa mga kabataan nga natumpawak sa kalaotan kadtong mga kabataan nga walay klarong pagmahal sa mga ginikanan mao nga miserable ang ilang kinabuhi.
Apan dili pa ulahi ang tanan kay aduna pa’y dakong kahigayonan aron masalba ang mga kabataan gikan sa dautang buhat kung ipabati lamang sa mga ginikanan ang ilang hugot nga pagmahal.
Walay sayop kung maningkamot ug magkugi ang mga ginikanan kay kini alang man lang pod sa haruhay nga kinabuhi, apan ang dili lang maayo niini mao nga kung masakripisyo na ang kalidad nga panahon nga gipangita sa mga kabataan tungod sa sobra ka busy sa trabaho.
RadyoMan Joel Viray
