Pagmonitor sang ginpatigayon nga road clearing operations sang mga LGUs, tubtob na gid lamang subong nga Oktubre 2

Roxas City, Capiz – Tubtob na gid lamang subong nga adlaw sang Mierkules, Oktubre 2 ang pagmonitor sang DILG sa ginpatigayon nga road clearing operations sang mga local government units.

Ginsiling ni DILG Provincial Director John Ace Azarcon nga matapos sini, magasugod na ang validation nga pagasundan sang pagdihon sang final report sa 60 ka adlaw nga operasyon sa pagpanghawan sang mga dalanon kag mga bangketa.

Ang nasambit nga report ang kinahanglan masumite sa Malacañang sa Oktubre 5.


Matandaan nga si Presidente Rodrigo R. Duterte ang nagmandu sa pagbawi sang mga pampubliko nga mga lugar nga ginagamit sa pribado nga katuyuan sa iya ikaapat nga State of the Nation Address sini sang nagligad nga Hulyo.
photo(c)- RCCG

Facebook Comments