Davao City – Gipaspasan karon ang pagplastar sa mga bus stops nga imontar gawas sa Davao City Overland Transport Terminal (DCOTT) aron dili na mahasol ang mga pasahero pag-adto sa DCOTT human gisuspende ang pagpasakay sa mga bus stop tungod sa seguridad.
Sa interbyu sa DXDC RMN Davao kang Aiza Usop, manager sa DCOTT, gisulti niini nga ila nang na-inspeksyon ang tulo ka areas sa Toril, Calinan ug Buhangin nga maoy proposed areas kung asa pwedeng pasakyon ang mga pasahero.
“Actually, gipadali sa atoa ‘to (pag-inspeksyon sa bus stops proposed areas) kay accordingly dapat before the Kadayawan ma-implemnent nato,” matud ni Usop.
Padayong nangayo og despensa ang DCOTT manager ilabina sa taas nga linya pasulod sa terminal tungod sa ginapatumang istriktong inspeksyon.
Sa pagkakaron, dili muobos sa 600 ang matalang bus trips matag adlaw sa DCOTT.
RadyoMaN Kirby Manzon
Facebook Comments
