Ginkalipay sang economic managers sang Duterte administration ang pagnubo sang unemployment rate sa pungsod.
Suno sa ginpagwa nga datos sang Philippine Statistics Authority (PSA) para sa Abril 2018, nagnubo sang 5.5% ang numero sang mga Pilipino nga wala sang trabaho gikan sa 5.7% sa kapareho nga bulan sadtong 2017.
Sa isa ka press briefing, ginsiling ni Department of Budget and Management (DBM) Sec. Benjamin Diokno, nga ang nasambit nga pagnubo resulta sang masobra 600,000 ka trabaho nga gintanyag subong nga tuig.
Suno kay National Economic Development Authority (NEDA) Usec. Rosamarie Edillion, apisar nga may demand sa trabaho, mas maayo sa gihapon nga mag-invest sa skills kag experience ang mga empleyado para makuha ang trabaho nga swak sa ila makaya himuon. – RCSG / iFM News Bacolod
