Roxas City, Capiz- Pagatutokan sang pamunoan sang Roxas Memorial Provincial Hospital(RMPH) ang pagpaayo sang pamatasan sang mga nurse sa nasambitan nga ospital kag iban pa nga government hospital sa Capiz.
Ginpahayag sang hepe sang Hospital Management Section sang RMPH nga si Dr Alex Nolasco, ang mga nurse ang ginakabig nga frontliners sang ospital agud nga magtatap sa pasyente nga nagakadapat nga mapaayo ang ila nga pamatasan.
May kaangut sini, iya nga ginpahayag nga ginatun-an nila subong ang pagpatigayon sang re-orientation kag strategic training sa mga nurse parti sa maayo nga pagtratar sa mga pasyente.
Samtang aminado man ini nga may yara sang kakulangan sa numero sang mga nurse sa RMPH gani nga bukas ang ospital sa pagbaton sang dugang nga mga aplikante.
