General Santos—Magpadayon karon adlawa ang pagpabakuna sa mga empleyado sa General Santos City Fishport kong asa target sa City Health Office ning syudad nga mabakunahan ang 2,500 ka mga empleyado.
Sa pamahayag ni Dr. Jett Oco labaw sa nasampit nga buhatan nga mapasalamaton kini sa paghatag sa National nga gobyerno sa alokasyon sa bakuna sa padayon nga nagkataas nga natala nga kaso sa COVID-19 dinhi sa dakbayan.
Gipasalamat usab sa nasampit nga opisyal ang mga empleyado sa General Santos City Fishport sa walay pagbalibad nga magpabakuna.
Kahinumduman nga sa pamahayag ni Vacine Czar. Sec. Carlito Galvez Jr., nakalabay nga semana iyang gahinan ang dakbayan og dako nga alokasyon sa bakuna human sa padayon nga bahad sa Delta variant sa COVID-19 nga sumala pa mas paspas kini nga makatagod itandi sa uban nga variant.
Samtang sa pamahayag ni Marife Quiam, President sa Phil Export Region-12 ug vaccination manager sa Fishport, nga anaa sa kapin 11,000 ang estimated nga populasyon sa Gensan Fishport ang target nga mabakunahan.
For more info’s and updates, like and share our official facebook account: www.facebook.com/ifm91.9Gensanofficial/ —————————— —————————— #TatakRMN #IFMAngIdolKongFM #RMNnetworks #ReachingMillionsNationwide
[image: City Health Officer.jpg]
