Davao City – Usa ka maayong lakang ang gitinguha sa lokal nga panggamhanan ning syudad nga pabalhinon ang mga tawo nga nagpuyo daplin sa sapa aron malikay sa disgrasya sa higayong dunay kalamidad na usab nga moabot sa syudad sama sa baha ug uban pa.
Sumala ni sa Kinaiyahan Foundation chairperson Betty Cabasares, gikalipay nila ang nahimong desisyon ni Davao City Mayor Inday Sara Duterte-Carpio nga sugod karong Enero papahawon na ang mga tawo nga anaa nagpuyo sa mga ‘danger zone’.
Sugyot lang usab sa Kinaiyahan Foundation nga segurohon nga dunay kabalhinan o relokasyon nga ihatag ang gobyerno ngadto sa mga maapektohan sa maong tinguha.
Giingon pa ni Cabasares, mas lig-on ang lakang sa mayor kung dasonan usab og ordinansa nga magdili na gayud sa mga tawo nga mopuyo sa mga delikadong lugar kung dunay katalagman nga mahitabo.
RadyoMaN Bernard Pantallon
