Pagpabalhin sa mga vendors sa Pala-o market ngadto sa temporaryong merkado sa IBJT Northbound human na sa pasko o sa unang bulan sa tuig dos mil dise nwebe

Posibleng sa sunod tuig na gayud makabalhin ang tanang vendors diha sa palao market ngadto sa temporaryong merkado sa IBJT North Bound.
  Kini gumikan hangtud karon wala pa gihapon nahuman ang balhinan nga temporaryong merkado sa mga vendors.

  Gibutyag ni City Administrator Atty. Dexter Rey Sumaoy nga dili nila mapugos ang tanang vendors nga mapabalhin hangtud aduna pay problema sa ilang kabalhinan nga lugar.

  Sa pagkakaron padayon sila nga naningkamot aron sa sunod tuig o sa bulan sa enero dos mil dise nwebe hingpit nang makabalhin silang mga vendors sa temporaryo nga merkado.