Extra Wow Balita – Mga citizens sang Turkmenistan nagapangatubang sang silot kun mapamatud-an nga ginagamit bilang palahid sa ila alatrasan ang newspaper nga may picture sang ila presidente nga si Gurbanguly Berdimuhamedov.
Ginalibot kag ginausisa sang kapulisan ang mga public restrooms kag pribado nga panimalay agud tan-awon kun may nagagamit sang mga newspapers agud ipahid sa ila alatrasan matapos magpamuhin.
Nag-assign man sila sang special janitor agud mag-usisa sang mga ginahaboy nga basura kun bala may mga papel nga may hitsura sang ila presidente nga gingamit nga palahid.
Nahibaluan nga ginapa subscribe ang tanan nga mga residente sang newspaper nga halos nawong lang ni presidente Berdimuhamedov ang makita nga balita.
Ang presidente isa ka authoritarian leader nga ginakahadlukan sang mga pumuluyo.
Ang madakpan nga nagagamit sang papel nga may nawong sang presidente nga palahid sang ila higko hatagan sang warning apang kun masulit ini may nagakaigo na nga penalidad.
Wala na nagabakal sang tissue ang mga residente kag newspaper na ang ila ginagamit nga palahid sa ila alatrasan matapos magpamuhin.
Photo from web
