Davao City – Nagatuo ang usa ka estudyante sa University of the Philippines kun UP-Mindanao nga dunay tumong ang ilang pagpahigayon og lihok protesta.
Kini ang giingon ni UP Mindanao Student Council President Romen Samuel Wabina atol sa pakighinabi sa DXDC RMN Davao diin matud pa nga ang ilang pagsinggit-singgit sa gawas mao ang padayon nga pagduso sa tinuod nga demokrasya ug kagawasan sa mga Pilipino.
Ang maong reaksyon subay sa giingon ni Presidente Rodrigo Duterte nga ihatag ngadto sa mga lumad ang scholar slots sa UP students nga mugawas kun mag-walk out sa klase aron musalmot sa rally.
“Sinabi ni Duterte last Thursday I believe, is that isa siyang hipokrito dahil hindi naman actually genuine si Duterte sa sector nga mga lumad. He even threatened to bomb the lumad built schools during his state of the nation address, patuloy yung militarization,” sigun ni Wabina.
Dugang ni Wabina nga og tinuod ang gipang-ingon sa pamuno-nasud, ihatag na dapat ngadto sa mga lumad ang panginahanglalon nila.
Sa pikas bahin, gibutyag ni Wabina nga lauman gikan sa mga Iskolar ng Bayan sa UP-Mindanao ang pagpahigayon og mga lihok protesta karong umaabot nga Pebrero 23 ug Pebrero 25 diin sumala pa magkahiusa ang nagkadaiyang sector sa Mindanao aron ikasa ang laing hugna sa lihok protesta alang sa kagawasan sa katungod sa mga Pilipino.
RadyoMaN Renz Barbarona
