Ginhatagan pagtamod sang Malacañang nga wala sang dapat kabalak-an sa pagpaidalum ni presidente Rodrigo Duterte sa colonoscopy kag endoscopy.
Suno kay presidential spokesperson Harry Roque, kabahin lamang ini sang “routine” check up sang presidente.
Sang Biernes, Setyembre 21, gin-aku ni Duterte sa isa ka clinical forum sa Lapu-Lapu City, Cebu nga nagpaidalum siya sa colonoscopy kag endoscopy.
SWang Agosto, gin-aku man sang presidente nga nakabatyag siya sang “perpetual pain” bangod sa naagum nga spinal injury sang maaksidente siya sa pagmaneho sang motor.
“I have a C4 and C7 na nag-impinge. That’s why I am in perpetual pain. On the — on any day, it’s 7 in a scale of 10,” ang pahayag ni Duterte sa iya speech sa mga local chief executives sa isa ka event sa Cebu sang Agosto.
Photo from web
