Pagpaidalum sa home quarantine sang mga covid patients indi na pagpahanugutan

16

Indi na pagpahanugutan ang home quarantine para sa mga persona nga positibo sa COVID-19.

Ini ang ginpahanumdom ni National Task Force batuk COVID-19 Chief Implementer Secretary Carlito Galvez Jr. sa mga opisyales sang syudad sang Bacolod kag Negros Occidental.

Sa sinapol kahapon kaupod ang mga local officials sang Bacolod sa pagpanguna ni Mayor Evelio Leonardia, ginpahayag ni Galvez nga para manaog ang mga kaso sang sakit, dapat tutukan sang local government ang prevention, contact tracing, isolation, testing kag wala sang pahanugutan nga mag-home quarantine.


Ginmandu man ni Galvez nga kuhaon ang tanan nga mga pasyente sa ila balay bisan pa nga ini ang asymptomatic.

Matandaan nga ginpahanugutan sang health department sadto ang home quarantine para sa mga pasyente nga wala sang may ginabatyag nga sintomas basta may kaugalingon lang nga kwarto kag banyo.

Suno kay City Administrator Em Ang, bisan nga wala sang sintomas ang isa ka COVID patient, pagadal-on na gid ini sa isolation facility.



[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments