ILOILO City – Noted down lamang ang akto sang city council sa sulat ni mayor Jose Espinosa III nga nagahingyo sa city council nga imbestigaran ang P12.249 billion joint venture agreement sang Metro Iloilo Water Distric sa Metro Pac Water investment Corporation.
Ini nagakahulugan nga wala gin-aktuhan sang konseho ang hingyo sang alkalde.
Panindugan sang konseho nga indi na kinahanglan nga ipaagi pa sa imbestigasyon ang proyekto bangud mahimo naman ini mahambalan paagi sa isa ka presentation.
Suno kay city councilor Plaridel Nava, may mga memorandum circulars ang DILG nga nagamando sa LGU nga magdistansya sa operation sang mga water districts.
Sa sulat sang alkalde ginapa-imbestigaran niya ang kontrata sa konseho kag magdihon sang mga ordinansa kun kinahanglanon. /// Photo via Iloilo City Government
