Apan taliwala sa positibong mga reaksyon, nakita sa usa ka politicial analyst nga ang pagpakita’g interes ni Duterte sa pagdagan, makapa engganyo sa oposisyon.
Sa una nang pakighinabi sa DXDC RMN Davao kang Professor Ramon Beleno III, iyang gibutyag nga karon ang panahon nga mas madasig pa ang mga kalaban sa pagpagawas og mga isyu aron dautan ang mga Duterte tungod sila nagtuo nga bisan wala na sa politika si Former President Rodrigo Duterte, kusog gihapon ang ilang pamilya sa masa.
Gani niadtong Enero 23, nagpagula og pamahayag ang bise nga human niyang makalingkod sa katungdanan naapil siya sa mga akusado sa International Criminal Court (ICC) tungod adunay migawas nga testigong nag-ingong aduna siyay kalambigitan sa Davao Death Squad.
Apan gibarogan sa bise nga atubangon niya ang mga akusasyon ug alegasyon nga gipanglabay kaniya.
Hinaut ni Duterte ni nga dili ibutang sa makauulaw nga sitwasyon ang Pilipinas sama sa pagtugot sa mga langyaw o ICC nga manghilabot sa proseso ug kagawasan sa nasud.
RadyoMaN Ivy Parido
