Davao City – Kinahanglan gihapon nga ipadayon ang Modified General Community Quarantine (MGCQ) dinhi sa Davao Region lakip ang dakbayan sa Davao tungod kay nagapadayon ang pagsaka sa (COVID-19) ilabi na nga padayon ang pag-abot sa Locally Stranded Individuals (LSIs) nga gikan sa laing kasyudaran sa nasud.
Sumala ni Mintal Barangay Captain Rey Amador Bargamento nga sa iyang obserbasyon relaks na kaayo ang katawhan daw wala na nibati’g kahadlok ug nakalimot na sa maong balati-an nga makamatay.
Gi-awhag usab ni Bargamento ang tanan katawhan nga tumanon ang health protocols apil na ang mga ginikanan nga panahon na motabang sa pagpahimangno ngadto sa sakop sa ilang pamilya pinaagi niini aron hingpit nang malikayan kining kaso sa pandemiya.
RayoMaN Don Pulayao
